नाशिक लाईव्ह न्यूज । ६ मार्च २०२५ । सध्या लगीनसराईचा सीझन असून अशावेळी सोने आणि चांदीचे दर गगनाला भिडले आहे. जर तुम्हाला सोने-चांदी खरेदी करायची असेल तर आज भाव तपासायला हवेत. आज, गुरुवार ६ मार्च २०२५ रोजी सोन्याच्या किमतीत वाढ झाली.
१० ग्रॅम सोन्याच्या किमतीत ६०० रुपयांची वाढ झाली आहे. आज, देशातील प्रमुख शहरांमध्ये, २४ कॅरेट सोन्याचा भाव ८७,९०० रुपयांच्या आसपास आहे आणि २२ कॅरेट सोन्याचा भाव ८०,६०० रुपयांच्या वर आहे. एक किलो चांदीची किंमत ९७,९०० रुपयांच्या पातळीवर आहे.
नाशिकमध्ये काय आहे भाव?
नाशिक सराफ बाजारात बुधवारी सोन्याचा दर २८० रुपयांनी घसरून प्रति तोळा जीएसटी ८९२०० रुपयावर पोहोचले. मात्र चांदी दर ७०० रुपयांनी वधारला. यामुळे चांदीचा एक किलोचा दर जीएसटी ९९९०० रुपयात पोहोचला.
सोन्याच्या किमती वाढण्याची कारणे
अलिकडच्या काळात सोन्याच्या किमती वाढत आहेत, ज्याचे मुख्य कारण जागतिक आर्थिक अस्थिरता आणि व्यापारी तणाव आहे. अमेरिकेचे माजी राष्ट्राध्यक्ष डोनाल्ड ट्रम्प यांनी कॅनडा, मेक्सिको आणि चीनवर नवीन कर जाहीर केल्यानंतर बाजारात अनिश्चितता वाढली. यामुळे, गुंतवणूकदारांनी सुरक्षित गुंतवणूक म्हणून सोन्याची निवड केली, ज्यामुळे त्याची मागणी आणि किमती वाढल्या. याशिवाय, चीन आणि कॅनडानेही अमेरिकेच्या टॅरिफला उत्तर देण्याबाबत चर्चा केली, ज्यामुळे बाजारात अस्थिरता आणखी वाढली आणि सोन्याच्या किमती आणखी वाढल्या.
