नाशिक लाईव्ह न्यूज । आज मंगळवारी सलग पाचव्या दिवशी भारतीय शेअर बाजारात (Share Market) घसरण दिसून येत आहे. ट्रेडिंग सत्रादरम्यान सेन्सेक्स ११०० पेक्षा जास्त अंकांनी घसरला. त्याचप्रमाणे, निफ्टी निर्देशांक ३०० पेक्षा जास्त अंकांच्या घसरणीसह व्यवहार करत आहे. जागतिक बाजारपेठेतील नकारात्मक भावनेचा परिणाम भारतीय बाजारपेठेत दिसून आला.
सेन्सेक्स आणि निफ्टीमध्ये मोठी घसरण
सेन्सेक्स १,१८० अंकांनी घसरून ७६,१२५ वर व्यवहार करताना दिसला. त्याचप्रमाणे, निफ्टी ५० देखील तुटला आणि तो ३६६ अंकांनी घसरून २३,०२५ च्या पातळीवर पोहोचला. मिडकॅप आणि स्मॉलकॅप शेअर्समध्ये मोठी घसरण दिसून येत आहे. निफ्टी मिडकॅप १०० मध्ये ३% आणि निफ्टी स्मॉलकॅप १०० मध्ये ४% घसरण झाली. मंगळवारीच्या व्यापार सत्रात बीएसईवर सूचीबद्ध कंपन्यांचे एकूण बाजार भांडवल ९.६८ लाख कोटी रुपयांनी घसरून ४०८.८८ लाख कोटी रुपयांवर आले.
बाजार का कोसळत आहे?
बाजारातील घसरणीचे सर्वात मोठे कारण म्हणजे परदेशी गुंतवणूकदारांनी केलेली विक्री. अमेरिकन बाजारपेठेतील अनिश्चिततेमुळे, परदेशी गुंतवणूकदार भारतीय बाजारपेठेतून सतत पैसे काढत आहेत. खरं तर, अमेरिकेने स्टील आणि अॅल्युमिनियमवर २५% आयात शुल्क लादल्यामुळे व्यापार युद्धाची भीती वाढली आहे. त्याचा परिणाम थेट शेअर बाजारात दिसून येत आहे. याशिवाय, अमेरिकन डॉलरच्या मजबूतीमुळे, रुपया आतापर्यंतच्या नीचांकी पातळीवर पोहोचला.
