नाशिक लाईव्ह न्यूज । २ जुलै २०२५ । खाद्यतेलाच्या दरात पुन्हा वाढ झाल्याने गृहिणींचे महिन्याचे आर्थिक बजेट कोलमडले आहे. इराण-इस्राईल युद्धामुळे तेलाच्या किमती वाढल्या आहे. घाऊक बाजारामध्ये शेंगदाणा तेल वगळता सर्वच खाद्य तेलाच्या किंमतीत १५ किलोच्या डब्यामागे आणि लिटरच्या डब्यामागे ५० ते ६० रुपयांनी वाढ झाली आहे. त्यामुळे सर्वसामान्यांच्या खिशाला कात्री लागली आहे.
मिळालेल्या माहितीनुसार, खाद्यतेलाच्या किंमतीत वाढ झाली आहे. घाऊक बाजारात सर्व प्रकारच्या खाद्य तेलाच्या किंमतीमध्ये किलोमागे ३ ते ४ रुपयांनी वाढ झाली आहे. त्यामुळे १५ लिटरच्या एका तेलाच्या डब्यामागे तुम्हाला ५० ते ६० रुपये अधिक मोजावे लागणार आहे.
काही दिवसापूर्वी केंद्र सरकरने कच्च्या तेलावरील आयात शुल्क १० टक्क्यांनी कमी केले होते. यामुळे खाद्यतेलाचे भाव घसरले होते यामुळे सर्वसामान्यांना काहीसा दिलासा मिळाला. पण इराण-इस्राईल युद्धामुळे तेलाच्या किंमती पुन्हा वाढल्या.
मोहरीचे तेल, पाम तेल आणि सूर्यफूलाच्या तेलाच्या दरात वाढ झाली आहे. फक्त शेंगदाणा, सूर्यफूल, मोहरीचे तेल आणि पाम तेलाच्या दरात वाढ झाली नाही तर खोबरेल तेलाच्या दरात देखील वाढ झाली आहे. गोटा खोबऱ्याचे भाव वाढल्यामुळे २५ किलो खोबरेल तेलाच्या डब्याच्या किंमती ६ हजार रुपयांवर पोहचल्या आहेत. तेलांच्या दरात वाढ झाल्यामुळे गृहिणींचे आर्थिक बजेट कोलमडणार आहे. तेलाची फोडणी महागल्यामुळे सर्वसामान्यांच्या खिशाला कात्री लागली आहे.
